Министерот за внатрешни работи Оливер Спасовки денеска информира дека истрагата за случувањата во РЕК „Битола“ се води во Јавното обвинителство и дека нема нешто што не е доставено и што го имало како информација во МВР, а не е споделено со јавниот обвинител.
Според него, обвинителството располага со сите документи и во секој момент може да издаде наредба за обезбедување нови докази.
Во однос на изнесувањето документи од МВР во врска со овој случај, за што неодамна имаше претреси во домови и на работните места на тројца вработени, Спасовски потенцираше дека мора да прекине тој начин на комуникации.
„Разбирам дека постои желба да го прават тоа. Најавивме неколкупати во медиумите дека имаме отворено посебна оперативна обработка – објава, што значи секој еден што е вработен ќе мора да се придржува до законските прописи и тие документи што ги има да ги споделува таму каде што со закон е дозволено. Најавив дека ќе имаме и актуелни припадници на полициски служби и поранешни началници и раководители итн., кои веќе се сомничат и за кои имаме собрано докази. Овие работи не треба да ги драматизираме, тоа што прават штета на институцијата е една работа и треба да одговараат заради тоа што го нарушуваат системот и довербата кај граѓаните“,
изјави Спасовски.
Во случајот со РЕК „Битоала“, ВМРО-ДПМНЕ обвинува дека бил правен рекет. Според информациите што ги пласира опозицијата од фирмата „Рубитон“ – добитник на тендер, било барано да отстапи дел од добиениот тендер за „СВ инвест“ или да плати рекет од 250 000 евра. Во случајот се споменува и лице Вице Н., на кое требало да му се однесат парите, но ВМРО-ДПМНЕ тврди дека постојат две верзии на пријавата – во првата стоел делот со Вице Н., додека во втората Вице Н. бил изоставен.
*Поврзани вести:
Опозицијата обвинува за корупција во РЕК „Битола“, се споменува лице Вице Н.
Вице Заев за „Фокус“: Сѐ што кажа Мицкоски е лага
РЕК „Битола“ ги демантира обвинувањата на опозицијата за коруптивен скандал од 250 илјади евра
Николоски: Член на највисокото раководство на СДСМ ни ги даде информациите за РЕК „Битола“
ВМРО-ДПМНЕ: Дали газдата на пропаднатата фирма „СВ инвест“ е избеган во САД?
Чулев: Ексдиректорот на РЕК „Битола“ вршел изнуда и барал поткуп од фирма за ископ