Како што соопшти денеска МВР, на 9 август кај нив било пријавено дека покрај патот кој води за село Пагаруша било забележано едно лице со „шкода фелиција“ со скопски регистарски ознаки, како со запалка ја запалило сувата трева покрај патот
Службеници од Полициската станица Драчево синоќа го привеле 59-годишен жител на скопското село Долно Количани, поради предизвикување пожар на отворен простор.
Како што соопшти денеска МВР, на 9 август кај нив било пријавено дека покрај патот кој води за село Пагаруша било забележано едно лице со „шкода фелиција“ со скопски регистарски ознаки, како со запалка ја запалило сувата трева покрај патот. Постапувајќи по оваа пријава, лицето е пронајдено и приведено. Пожарот бил изгаснат од противпожарната единица Скопје.
Во координација со јавен обвинител по целосно документирање на случајот, против Ф.С. ќе биде поднесен соодветен поднесок.