Она за што може да се заложи, вели таа во одговорот на честитката на францускиот претседател, е дека ќе гради консензус за реформи кои ќе им овозможат на македонските граѓани да живеат европски
Идната претседателката на државата, Гордана Силјановска-Давкова, му се заблагодари на францускиот претседател Емануел Макрон за честитката по повод нејзината победа на изборите за шеф на државата додавајќи оти се надева дека неговата поддршка ќе ѝ го отвори патот на Македонија кон Европа.
На честитката на претседателот на Франција, Силјановска-Давкова одговори се заблагодари на македонски и француски јазик.
Таа на социјалната мрежа Фејсбук, преку која и Макрон ѝ ја честита победата, напиша дека дека Франција, како една од земјите основачи на Европската Унија (ЕУ), има најважна улога и одговорност за успех на европскиот проект.
Она за што може да се заложи, вели таа, е дека ќе гради консензус за реформи кои ќе им овозможат на македонските граѓани да живеат европски.
„Воедно, како две пријателски земји во мојот мандат ќе работам на зајакнување на билатералните односи, особено економската, културната и научната размена“,
додава идната претседателката на С Македонија, чија инаугурација е најавена за в недела напладне.
Францускиот претседател вчера попладне на својот фејсбук-профил со порака на македонски јазик ѝ ја честита победата на Силјановска-Давкова на претседателските избори додавајќи дека Франција останува на страната на Северна Македонија да ја придружува во реформите и нејзината европска иднина.
Тој ја поздрави и посветената работа на досегашниот претседател Стево Пендаровски, кој ѝ беше противкандидат на Силјановска-Давкова за функцијата шеф на државата.
„Се отвора нова страница кај нашите македонски пријатели. Ја поздравувам храбрата посветеност на Стево Пендаровски, а на Гордана Силјановска Давкова ѝ ги упатувам моите срдечни честитки за изборот за претседател. Франција останува на страната на Северна Македонија за да ја придружува во реформите и нејзината европска иднина“,
напиша Макрон на Фејсбук.
Претходно победата на Силјановска-Давкова ѝ ја честитаа претседателите на земјите од регионот, украинскиот претседател Володимир Зеленски, а честитки упатија и амбасадорите на Соединетите Американски Држави (САД) и на Европската Унија во земјава, Анџела Агелер и Дејвид Гир.