Американскиот државен секретар Ентони Блинкен рече дека НАТО-алијансата сега е посилна и поголема од кога било
Шведска официјално стана 32. членка на НАТО откако денеска премиерот Улф Кристерсон во Вашингтон го депонираше инструментот за пристапување до САД.
За Шведска, тоа го означува крајот на 20-месечното чекање кое започна во мај 2022 година, кога поднесе барање за приклучување заедно со Финска, поттикнато од руската инвазија на Украина во февруари истата година. Финска минатата година стана 31-ва членка на НАТО.
Ратификацијата, исто така, означува историска промена во државниот и на меѓународниот идентитет на Шведска, бидејќи таа се оддалечува од неутралноста што започна на крајот на Студената војна. Ратификацијата ја зацврстува контролата на НАТО врз нордискиот регион, сега со сите земји-членки, и го прави Балтикот целосно „територија на НАТО“, пренесува „Гардијан“.
Членството во НАТО значи и дека доколку Шведска биде нападната, другите членки на алијансата ќе бидат обврзани да ја заштитат.
Американскиот државен секретар Ентони Блинкен рече дека НАТО-алијансата сега е посилна и поголема од кога било.
„Добрите работи доаѓаат кај оние кои чекаат. Нема подобар пример“,
рече Блинкен.
Премиерот Кристерсон рече дека Шведска „се враќа дома“ во НАТО.
„Денес е навистина историски ден. Шведска сега е членка на НАТО. Ние сме скромни, но и горди. Единството и солидарноста ќе бидат водилка. Шведска сега остава зад себе 200 години неутралност и воена неврзаност. Тоа е голем чекор, но многу природен чекор“,
рече тој.
Кристерсон вели дека приклучувањето на Шведска во НАТО е победа за слободата. Тој им се заблагодари на земјите од НАТО за тоа што Шведска ја пречекаа како 32-та членка на Алијансата.
„Шведска сега е членка на НАТО. Благодарам на сите сојузници што не пречекаа како 32-та членка. Ќе се стремиме кон единство, солидарност и споделување на товарот и целосно ќе се придржуваме до вредностите на Вашингтонскиот договор: слобода, демократија, слобода на поединецот и владеење на правото. Заедно посилни“,
напиша Кристерсон на социјалната мрежа Икс.
Sweden is now a NATO member. Thank you all Allies for welcoming us as the 32nd member. We will strive for unity, solidarity and burden-sharing, and will fully adhere to the Washington Treaty values: freedom, democracy, individual liberty and the rule of law. Stronger together.
— SwedishPM (@SwedishPM) March 7, 2024
Генералниот секретар на НАТО Јенс Столтенберг го поздрави потегот како „историски“.
„Пристапувањето на Шведска го прави НАТО посилен, Шведска побезбедна и целата Алијанса побезбедна. По повеќе од 200 години неврзаност, Шведска сега ја ужива заштитата дадена со член 5, што е крајна гаранција за слободата и безбедноста на сојузниците. Со нетрпение очекувам да го подигнам нивното знаме во седиштето на НАТО во понеделник“,
напиша Столтенберг на социјалната мрежа Икс.
It’s official – #Sweden is now the 32nd member of #NATO, taking its rightful place at our table. Sweden’s accession makes NATO stronger, Sweden safer, and the whole Alliance more secure. I look forward to raising their flag at NATO HQ on Monday.
— Jens Stoltenberg (@jensstoltenberg) March 7, 2024