Поради најавениот штрајк на пилотите, „Луфтханза“ ги откажува сите денешни патнички и карго-летови од двата најголеми центри, Франкфурт и Минхен, што ќе влијае на многу патници кои ќе се вратат по летниот одмор
Репрезентативниот синдикат кој ги претставува пилотите на германската авиокомпанија „Луфтханза“ најави штрајк за денеска откако раководството ги отфрли барањата за зголемување на платите.
Синдикатот на летачкиот екипаж ја обвини компанијата дека не ја подобрила претходната понуда „не оставајќи им на пилотите друг избор освен да штрајкуваат за да ги исполнат нивните барања“, пренесува АП.
Компанијата соопшти дека понудила линеарно зголемување од 900 евра, што претставува зголемување од пет отсто за постарите пилоти и зголемување од 18 отсто за оние кои штотуку ја започнале својата кариера.
Синдикатот побара покачување од 5,5 отсто оваа година и автоматско покачување на платите приспособено според инфлацијата во 2023 година. Покрај тоа, пилотите бараат нов систем за плати и годишен одмор за кој авиокомпанијата рече дека ќе ги зголеми трошоците за вработените за околу 40 отсто. околу 900 милиони евра за две години.
Поради најавениот штрајк на пилотите, „Луфтханза“ ги откажува сите денешни патнички и карго-летови од двата најголеми центри, Франкфурт и Минхен. Станува збор за 800 лета, а откажувањето ќе влијае на многу патници кои ќе се вратат по летниот одмор.