Шпанија е меѓу петте земји членки на ЕУ кои не ја признаваат независноста на Косово, покрај Грција, Кипар, Словачка и Романија. Сепак, сите овие земји ги признаваат патните исправи издадени од властите во Косово
Неколку дена по стапувањето во сила на визната либерализација за Косово, Шпанија ги призна косовските пасоши.
Министерството за надворешни работи на Шпанија соопшти дека признавањето на пасошите што ги издава Приштина не подразбира и признавање на Косово.
„Сите земји од Шенген зоната прифатија да користат важечки косовски пасоши. Ова на ниту еден начин не значи признавање на Косово. Без оваа промена, имателите на овие пасоши би имале проблеми легално да ги посетат земјите што не ги признаваат“,
се вели во реакцијата на шпанското МНР.
Шпанија е меѓу петте земји членки на ЕУ кои не ја признаваат независноста на Косово, покрај Грција, Кипар, Словачка и Романија. Сепак, сите овие земји ги признаваат патните исправи издадени од властите во Косово.
Одлуката на Шпанија да го признае пасошот ја поздравија министерката за надворешни работи и дијаспора на Косово, Доника Гервала и вицепремиерот Бесник Бислими.