Јаковлева е именувана на оваа позиција од страна на претседателката на државата, Гордана Сиљановска-Давкова, која претходно денеска од функцијата го разреши досегашниот директор Еролд Муслиу, информираат од претседателскиот кабинет
Габриела Јаковлева е нова директорка на Агенцијата за разузнавање. Јаковлева е именувана на оваа позиција од страна на претседателката на државата, Гордана Сиљановска-Давкова, која претходно денеска од функцијата го разреши досегашниот директор Еролд Муслиу, информираат од претседателскиот кабинет.
„Претседателката Сиљановска-Давкова денеска ја разреши и заменик-директорката во Агенцијата за разузнавање, Александра Бакреска-Додовска, и ја именуваше Ивана Стојановска. Габриела Јаковлева и Ивана Стојановска се долгогодишни професионалци во Агенцијата за разузнавање“,
информираат од кабинетот на претседателката на државата.
Oд кабинетот на Сиљановска-Давкова додаваат дека одлуките на претседателката се донесени согласно нејзините уставни и законски надлежности.
Согласно Законот за Агенцијата за разузнавање, со Агенцијата раководи директор кој го именува и разрешува претседателот на државата. Тој се именува за време од четири години со право на реизбор за уште еден мандат.