Според севернокорејската државна новинска агенција КЦНА, станува збор за „нов тип“ балистичка ракета што може да се испука од подморница
Откако Северна Кореја потврди дека истрелала нова пробна балистичка ракета од подморницата, за денеска е свикана вонредна седница на Советот за безбедност на ОН на барање на Велика Британија и САД.
Вчера, јужнокорејската армија објави дека забележала истрелување на пробен проектил од севернокорејска подморница на нејзиниот источен брег.
Според севернокорејската државна новинска агенција КЦНА, станува збор за „нов тип“ балистичка ракета што може да се испука од подморница.
„Новиот тип проектили има напредна контрола на спроводливоста која вклучува странична мобилност, како и способност да се заобиколат пречките, и тоа ќе помогне да се подигне одбранбената технологија на нашата земја на повисоко ниво, како и да се зајакне подводната оперативна способност на нашата морнарица“,
објави КЦНА.
Овие проектили имаат пократок дострел од претходната верзија, но се потенки, што значи дека можат да се складираат повеќе на секоја подморница.