Косовскиот премиер го разреши министерот за внатрешни работи, што предизвика криза со партијата на Иса Мустафа, коалициски партнер на Самоопределување
Лидерот на Демократскиот сојуз на Косово (ЛДК) Иса Мустафа, по вечерашната вонредна седница на партиското раководство, соопшти дека ќе иницира во Собранието гласање за доверба на премиерот Албин Курти, јави МИА од Приштина.
Мустафа како главни причини поради кои се одлучи на растурање на коалицијата со Самоопределување (ВВ) ги наведе ставовите на премиерот и лидер на ВВ Албин Курти во однос на барањата на САД за укинување на таксата на увозот од Србија и Босна и Херцеговина и денешната одлука на премиерот за разрешување на министерот за внатрешни работи Агим Велиу, кој е од редовите на ЛДК.
„ Не можеме да дозволиме натамошно расипување на односите со најзначајниот сојузник на Косово, САД, кои ни помогнаа во ослободувањето на земјата, прогласувањето на независноста и развојот на демократијата“,
изјави Мустафа.
Како пример за незадоволство на официјален Вашингтон кон однесувањето на оваа влада, Мустафа го тоа дека за првпат во историјата на независно Косово САД воведоа санкции, со тоа што ги укинаат донациите во висина од над 220 милиони долари од нивната корпорација на милениумскиот предизвик.
Во врска со денешното разрешување на Велиу, лидерот на ЛДК рече дека Курти го прекрши договорт за формирање заедничка влада, според кој „министрите можат да се разрешат по консултации на премиерот со претседателот на коалициската партија.
Курти денеска го разреши Велиу поради несогласување со неговите ставови во однос на кризата предизвикана со епидемијата на коронавирус. Во соопштението од кабинетот на премиерот се вели дека Велиу синоќа се изјасни против ставот на Курти во врска со намерата на претседтелот на државата Хашим Тачи да се прогласи вонредна состојба во земјата поради коронавирусот. Освен тоа, Курти го обвинува министерот за внатрешни работи дека со изјави дека „заразата се шири од час во час“ предизвикува паника кај граѓаните.
Новата влада на Косово беше избрана во почетокот на февруари, речиси четири месеци по парламентарните избори во земјата.