Поради трагедијата во Кочани, средбата на лидерите од регионот се одложува. Не се прецизира кога ќе се одржи
Од Делегацијата на Европската Унија во земјава денеска информираа дека Самитот на лидери на Западен Балкан кој требаше да се одржи оваа недела, на 19 и 20 март во Скопје, се одложува. Причина е трагедијата во дискотеката „Пулс“ во Кочани во која, досега, загинаа 59 млади луѓе.
Не се прецизира кога ќе се одржи состанокот на кој главна тема требаше да биде Планот за раст на Европската комисија. На него, покрај лидерите од регионот, требаше да присуствуваат и претседателот на Европскиот Совет, Антонио Кошта, и еврокомесарката за проширување, Марта Кос.