Од опозицијата најавија дека нема да дадат поддршка за изборот на заменици во 16 ресори во Владата
Денеска во 14 часот продолжува собраниската седница која до полноќ треба да финишира со избор на новите заменик-министри во Владата на Зоран Заев.
Согалсно со собранискиот Деловник, изборот на т.нн втор ешалон на власта е по ист принцип како за избор на Владата, односно седницата трае два дена, а за изгласување на предлозите на премиерот за заменик-министри се потребни најмалку 61 глас.
Вчера, во почетокот на седницата, се случи уште една промена во парламентот, односно пратеникот на СДСМ Дамјан Манчевски поднесе оставка, по што се очекува да биде именуван на функција во извршната власт, а на негово место, од листатат во првата ИЕ, е верификуван мандатот на Диме Велков, кој беше пратеник и во претходниот состав.
Од опозицијата најавија дека нема да дадат поддршка за изборот на новите заменик-министри во 16 ресори во Владата.
По завршувањето на оваа седница, следен чекор е комплетирање на третиот ешалон на власта, односно избор на директори и раководители во дел од државните претпријатија и институции, за што има најави за замена на позиции меѓу СДСМ и ДУИ.