Освен истражителите, на местото има и голем број вработени од Хрватски железници кои работат на поправка на електричните водови, а на терен се и пожарникарите од Новска
Истрагата за сударот помеѓу патничкиот и товарниот воз во близина на местото Рајиќ во Хрватска во која животот го загубија три лица, а 11 беа повредени, се уште трае.
Како што дознава Дневник на Нова ТВ, се чека кран за да го подигне вагонот и да се отстранат сомнежите дека под него има уште заробени луѓе.
Освен истражителите, на местото има и голем број вработени од Хрватски железници кои работат на поправка на електричните водови, а на терен се и пожарникарите од Новска.
„Вработените во ХЖ ги поправаат оштетените жици од струјата. Се чека подигање на вагонот за да се исклучи можноста за нови жртви“,
изјави во Дневник на Нова ТВ командирот на ЈВП „Новска“, Златко Пјеш.
Најголем проблем, истакнува Пјеш, бил пристапот до самата локација, но со спасувачко возило успеале да стигнат на 500 метри од жртвите кои биле извлекувани од еден од вагоните.
Според него пругата ќе биде затворена се додека теренот не се расчисти.
Според репортерот на Дневник на Нова ТВ Домагој Микиќ се појавиле информации дека е утврдена брзината со која возел машиновозачот на патничкиот воз.
„Велат дека возел со брзина од 102 километри на час и иако се вклучиле сите аларми дека мора да застане, тој не застанал и сето тоа завршило со страшен судар“,
рече Микиќ.