Судирот помеѓу патничкиот и товарниот воз во близина на местото Рајиќ во Хрватска во која животот го загубија три лица а 11 беа повредени, се случила на реновираниот дел од делницата на пругата Винковци – Новска.
Според началникот на полициската управа Лука Пешут, дозволената брзина на оваа делница е 120 км/ч а истрагата допрва ќе докажува што точно се случило пред несреќата.
„ Чекаме да пристигне локомотива која би требало да го помести товарниот воз на кој налета патничкиот воз. Еден вагон од патничкиот воз во кој се наоѓа едно тело треба да се фиксира за да може целосно да се вештачи“,
кажа Пешут.
Тој истакна дека постои опасност од превртување на еден од вагоните и кажа дека пругата била во добра состојба.
„За сега од тоа што е сигурно е дека од технички аспект се е максимално опремено. Ќе ги почекаме анализите на техничките експерти заедно со записите“,
вели Пешут.
Според првичните информации, патничкиот воз не запрел на знакот за застанување и се движел со брзина од над 100км/ч кога се судрил со неисправниот товарен воз. Во несреќата животот го загубиле три лица, меѓу кои машиновозачот и кондуктерот од патничкиот воз. Повредени се 11 лица, меѓу кои, неофицијално, седум биле странски државјани од Иран.