Министерката за одбрана, пак, денеска објави дека припадници од Баталјонот за специјални сили заминале да помогнат во Турција. Таа вчера најави дека на предлог на МО и Армијата, ќе заминат вкупно 22 лица од овој Баталјон, како и две кучиња обучени за трагање и двајца водачи
Министерот за здравство Беким Сали објави јавен повик кон здравствените работици во земјава да се пријават доколку сакаат да учествуваат во хуманитарни активности за помош на погодените во Турција по разорните земјотреси од вчера.
„Ве повикувам сите кои сте подготвени да учествувате во тековните хуманитарни активности во Република Туркије по разорниот земјотрес. Вашите знаење и искуство во областа на медицината се непроценливи, а секоја помош во вакви случаи е добредојдена. Доколку сте заинтересирани да учествувате, пополнете го формуларот на линкот подолу, а ние ќе обезбедиме дополнителна логистика. Ве повикувам да ни се придружите и да ги покажеме нашите солидарност и знаење со цел да им помогнеме на тие на кои им е навистина потребно“,
вели Сали во повикот објавувајќи и електронски формулар за пријавување.
Вчера, Владата на седница одлучи во Турција да бидат испратени припадници на републичките сили за заштита и спасување за да помогнат во санирањето на последиците, како и две противпожарни возила. Исто така, ќе се испрати и хуманитарен пакет од 10.000 ќебиња и 200 санитетски носила.
Министерката за одбрана Славјанка Петровска, пак, денеска објави дека припадници од Баталјонот за специјални сили заминале да помогнат во Турција. Таа вчера најави дека на предлог на МО и Армијата, ќе заминат вкупно 22 лица од овој Баталјон, како и две кучиња обучени за трагање и двајца водачи.