САД наметнаа санкции против Перез и неговата сопруга. На двајцата влезот во САД им е забранет на неограничено време
Американскиот Стејт департмент објави награда од пет милиони долари за информација што ќе доведе до апсење на претседателот на Врховниот суд на Венецуела, Маикел Хосе Морено Перес, по низа истраги за него во неколку американски државни агенции.
Државниот секретар Мајк Помпео изјави дека в март годинава Перес (54) бил обвинет од јужниот дистрикт на Флорида за перење пари и примање поткуп во замена за вршење правни дела… во повеќе од 20 судски процеси и за незаконско регулирање на различни граѓански и криминали парници во Венецуела.
На интернет-страницата на американската имиграциска и царинска служба се соопштува дека за претседателот на Врховниот суд на Венецуела постојат документации за корупција. Така, на пример, Перес одобрил конфискација и продажба на фабрика за автомобили во Венецуела на компанијата „Џенерал моторс“ чија проценета вредност била 100 милиони долари во замена за процент од продажбата.
САД наметнаа санкции против Перез и неговата сопруга. На двајцата влезот во САД им е забранет на неограничено време.
Потерницата е во рамките на Програмата за награди за меѓународен организиран криминал.
„Заедно со Програмата за награди за трговија со наркотици, од 1986 година кога овие програми беа воведени, досега пред лицето на правдата се донесени повеќе од 75 меѓународни криминалци“,
се вели во изјавата на Помпео.