Во САД е нелегално да се продаваат органи како што се срца или бубрези за трансплантација – тие мора да се донираат. Но, продажбата на делови од телото како што се главите, рацете и ‘рбетот – што Хес го направила – за употреба во истражување или образование не е регулирано со федерални закони
Поранешна сопственичка на погребна фирма во Колорадо е осудена на 20 години затвор за измама на роднините на починатите бидејќи продала делови од 560 мртви тела без дозвола. Меган Хес (46) се изјаснила за виновна за измама во јули. Нејзината 69-годишна мајка, Ширли Кох, исто така се изјаснила за виновна за измама и била осудена на 15 години.
„Хес и Кох повремено го користеле своето погребно претпријатие за да украдат тела и делови од тела користејќи лажни и фалсификувани донаторски обрасци. Постапките на Хес и Кох предизвикаа огромна емоционална болка за семејствата и најблиските“,
наведува обвинителот Тим Неф во судската пријава.
Најисцрпувачкиот случај
Федералниот случај беше поттикнат од истражната серија на Ројтерс од 2016 до 2018 година за продажба на делови од тела во САД, практично нерегулирана индустрија. Поранешните работници изјавија за Ројтерс дека Хес и Кох извршиле неовластени обдукции, а неколку недели по објавувањето на приказната во 2018 година компанијата била претресена од ФБИ.
Во обвинението, обвинителите ја нагласија „грозната природа“ на планот.
„Ова е емотивно најтешкиот случај што сум го видела на судење“,
рече американската окружна судијка Кристин М. Аргуело за време на изрекувањето на пресудата во вторникот.
Адвокатот на Меган Хес изјавил дека таа била неправедно оцрнувана како „вештерка“ и „чудовиште“, а всушност таа е „скршено човечко суштество“ чие однесување може да се припише на трауматска повреда на мозокот што ја претрпела на 18-годишна возраст. Мајката на Меган, Кох, му рекла на судијата дека ѝ е жал и дека ја презема одговорноста за своите постапки.
Во САД е нелегално да се продаваат органи како што се срца или бубрези за трансплантација – тие мора да се донираат. Но, продажбата на делови од телото како што се главите, рацете и ‘рбетот – што Хес го направила – за употреба во истражување или образование не е регулирано со федерални закони.
Хес ги извршила злосторствата, рекоа обвинителите, кога ги измамила роднините на починатите лажејќи ги и продавајќи ги деловите од телата без дозвола. Компаниите за хируршка обука и другите бизниси кои купиле раце, нозе, глави или торзо од Хес не знаеле дека се добиени со измама, велат обвинителите.
Хес им наплаќала на семејствата до 1 000 долари за кремирање што никогаш не се случило, рекоа обвинителите, и им понудила на некои луѓе бесплатни кремирања во замена за донација на телото.