Бројот на починати од ковид-19 во САД надмина 40 000 случаи.
Според последните ажурирања на податоците на статистичкиот веб-портал „Ворлдометар“, во САД има нови 1 209 смртни случаи со кои вкупната бројка на жртви сега изнесува 40 223.
Бројот на новозаразени, пак, изнесува 18 844. Со нив, досега се регистрирани 757 636 ковид-позитивни пациенти.
Инаку, бројот на тестови кои се прават на дневна основа во САД, според она што денеска го изјави американскиот потпретседател Мајк Пенс, изнесува 150 000. Но, посочи Пенс во изјавата за „Ен-би-си“, оваа бројка преку ноќ може да се зголеми за повеќе од двапати доколку сојузните држави ги активираат сите свои расположливи лаборатории.