Републичкиот обвинител нагласи оти не можел да ја трпи незаконитоста на предметот кој, како што рече, изобилувал со пропусти, но додаде дека долго размислувал пред да ја донесе одлуката за суспензија на Русковска.
Поранешната шефица на ОЈО ГОКК, Вилма Руковска, неодамна изрази сомневања дека некој сакал да ја тргне од ова обвинителство кога го отворила случајот за набавката на софтверот за сообраќајни прекршоци од поранешниот генерален секретар на Владата, Драги Рашковски. Токму случајот со предистрагата за поранешниот директор на Управата за финансиска полиција, Арафат Муареми, и претресот во оваа институција, како што рече таа, го чекале само за да ја „фатат на пенал“
Републичкиот обвинител Љубомир Јовески тврди дека нема политика во случајот со суспендирањето и предлогот за разрешување на поранешната шефица на Основното јавно обвинителство за гонење организиран криминал и корупција (ОЈО ГОКК), Вилма Русковска. Причината за нејзината суспензија, како што посочи Јовески, е поради незаконитоста во предметот во врска со претресот во Финансиската полиција.
„Апсолутно нема политика. По тој предмет имаше само една анонимна кривична пријава која подолг период седела во фиоката на обвинителката Русковска. Првиот ден кога таа замина на одмор, дејствијата за наредба на претрес ги препуштила на обвинителката Ивана Трајчева, без да има преземено никакво претходно дејство по анонимната пријава. Во наредбата стои кривично дело примање награда за незаконито влијание, но од анонимната пријава немаше елементи за вакво кривично дело“,
рече Јовески во интервју за ТВ Телма.
Тој нагласи оти не можел да ја трпи незаконитоста на предметот кој, како што рече, изобилувал со пропусти, но додаде дека долго размислувал пред да ја донесе одлуката за суспензија на Русковска.
„На судот при барањето на наредба за претрес му се даваат погрешни податоци дека во претходната постапка се обезбедни докази, а во самата анонимна пријава не е преземено ниту едно дејствие, не е проверен ниту еден наод. Потоа, не се знае што се бара со претресот. Влегувањето во таков случај и во Финансиската полиција без да се знае кој предмет се бара, туку се бараат предмети за 4-5 години наназад, значеше дека обвинителството воопшто нема никакви сознанија за ова дело или за други конкретни дела и јас не можев да ја трпам таа незаконитост во конкретниот предмет“,
додаде републичкиот обвинител.
Поранешната шефица на ОЈО ГОКК, Вилма Руковска, неодамна изрази сомневања дека некој сакал да ја тргне од ова обвинителство кога го отворила случајот за набавката на софтверот за сообраќајни прекршоци од поранешниот генерален секретар на Владата, Драги Рашковски.
Токму случајот со предистрагата за поранешниот директор на Управата за финансиска полиција, Арафат Муареми, и претресот во оваа институција, како што рече таа, го чекале само за да ја „фатат на пенал“.
Во интервјуто за ТВ Телма, републичкиот обвинител Јовески, меѓу другото, спомена дека Обвинителството за организиран криминал и корупција, меѓу останатите, има оформено и предмети за високи функционери.
„Има повеќе предмети отворени, повеќе предмети се пред крај и во скоро време јавно ќе ги кажеме. Има и за високи функционери, во тоа обвинителство има оформени предмети, истраги, предистраги и против актуелни функционери,но исто така и против поранешни функционери“
изјави Јовевски.