Рускоска: Груби направи голема грешка што ја напушти државата, оти ако останеше, мала ќе беше веројатноста да му се одреди притвор

„Ако беше тука, немаше да има опасност од бегство, ако му е целото семејство тука. Што се однесува на повторување на делото, тоа е невозможно бидејќи не е на функција, а влијание на сведоци може да се спречи и на други начини“, рече таа

Поранешниот вицепремиер Артан Груби направи голема грешка што ја напушти државата, оти ако останеше, мала ќе беше веројатноста да му се одреди притвор. Ова вечерва во гостување во емисијата „Топ тема“ на ТВ Телма го рече поранешната обвинитеелка Вилма Рускоска, коментирајќи го случајот за Државна лотарија, како и одлуката на Кривичниот суд Скопје да им одреди 30-дневен притвор на Груби и на поранешниот директор на Државна лотарија, Перпарим Бајрами.

Посочи дека притвор се одредува по три основи, опасност да се влијае на сведоци, опасност од бегство и опасност од повторување на делото.

„Ако беше тука, немаше да има опасност од бегство, ако му е целото семејство тука. Што се однесува на повторување на делото, тоа е невозможно бидејќи не е на функција, а влијание на сведоци може да се спречи и на други начини“,

рече таа.

За адвокатот и поранешен член на Антокорупциската комисија, Драган Малиновски, одлуките на Владата се колективни, а функционалнот имунитет не е апсолутен особено ако постојат докази за коруптивни дејствија.

Скопското обвинителство издаде наредба до МВР да распише национална, а потоа и меѓународна потерница по Груби и Бајрами

Основното јавно обвинителство Скопје (ОЈО Скопје) вечерва до Министерството за внатрешни работи (МВР) издаде наредба за објава на национална потерница и изјава за распишување на меѓународна потерница за поранешниот вицепремиер Артан Груби и поранешниот директор на Државна лотарија, Перпарим Бајрами.

Преетходно Кривичниот суд им одреди 30-дневен притвор.

Тие заедно со шестмина други се осомничени за злоупотреба на службената должност и примање поткуп во случајот со Државна лотарија.