Долниот дом на рускиот Парламент е во фаза на подготовка на закон за воведување на повисоко оданочување за сите граѓани кои ја напуштиле Русија по почетокот на воената агресија врз Украина. Претседателот на Думата, Вјачеслав Володин вели дека се работи на соодветни измени на актуелната законска регулатива.
„Реално е да се откажат преференциите за оние кои ја напуштиле Руската Федерација и да се воведе зголемена даночна стапка за нив“,
напиша Володин на Телеграм.
Од септември, кога и започна делумната мобилизација во Русија, одредени локални медиуми објавија дека дури 700 000 руски граѓани избегале од Русија, но тогаш властите ја отврлија таа бројка како шпекулација и невистина.
„Сите знаеме зошто побегнаа. Тие што сфатија дека грешат веќе се вратија. Останатите треба да разберат, огромното мнозинство од општеството не го поддржува нивниот чин и верува дека тие ја предале својата земја, роднините и пријателите“,
напиша Володин.
Според сегашната регулатива, работодавачите автоматски одбиваат 13 проценти данок на доход од платите на своите вработени. Русите кои работат во странство и се руски даночни обврзници мора да плаќаат даноци независно на Руската Федерална даночна служба.