Цената на нафтата на светските пазари денеска падна како резултат на рекордниот дневен пораст на заразени со коронавирус ширум светот, со голем скок во САД во текот на викендот.
За натамошни насоки се очекува состанокот на ОПЕК, што треба да се одржи оваа недела.
Цената на барел сурова нафта на лондонскиот пазар утрово падна за 53 центи, на 42,71 американски долари. На американскиот пазар, барел се тргуваше за 64 центи пониска цена, односно за 39,91 американски долари.
Светската здравствена организација (СЗО) вчера соопшти дека во светот во последните 24 часа се регистрирани 230 370 случаи на заразени со коронавирус, што е рекорден дневен пораст од почетокот на пандемијата, при што 66 000 се во САД.