Во Комбинатот утрово бил исклучен од мрежа блок 3, а во тек се операции за вклучување на блок 2, чија синхронизација со македонската електроенергетска мрежа се очекува да биде околу 15 часот
РЕК „Битола“ во овој период ќе работи со еден блок, додека е во тек процесот за нормализација на рудникот Суводол, информираат од АД ЕСМ.
Во Комбинатот утрово бил исклучен од мрежа блок 3, а во тек се операции за вклучување на блок 2, чија синхронизација со македонската електроенергетска мрежа се очекува да биде околу 15 часот.
„Во РЕК ‘Битола’ во тек се подготовки за претстојната грејна сезона. Се испитува стабилноста и доверливоста на постројките по извршените ремонти на блоковите 2 и 3“,
соопштуваат од РЕК „Битола“.
На блокот 1, додаваат оттаму, годинава воопшто не бил извршен ремонт, така што и врз таа постројка се во план дополнителни интервенции во пресрет на зимата.
Според годишниот план за производство на АД ЕСМ, се наведува во соопштението, предвидено е во овој период РЕК „Битола“ да работи со еден блок и додека се во тек процесите за консолидација на комбинатот.