Од Владата велат дека значително е намалена невработеноста кај најмладата возрасна група и сега изнесува 35%
Растот на БДП од 3,4 проценти во последниот квартал лани и вкупниот раст за целата година од 3,6 проценти, ја надминува проектирата стапка од 3,5 проценти и покажува дека реализиравме исклучително позитивна година во економијата, рече денеска техничкиот премиер Оливер Спасовски.
Според него, економските и финансиските политики на Владата даваат резултат и го одржуваат трендот на стабилен раст на економијата.
„Владата го презеде управување со државата во 2017 година од состојба на рецесија. За неполни 2,5 години направивме пресврт и денес зборуваме за континуиран и стабилен раст на економјата,
рече Спасовски, на прес-конференција во Владата.
Министерката за финансии Нина Ангеловска нагласи дека растот на БДП е сублимат на добрите економски и фискални политики, воден со стабилизирање на стапката на јавниот долг. Задолжувањето, потенцираше, е оправдано само ако е за инвестици. Порано јавниот долг бил брзорастечки, а не продуцирал високи стапки на раст, а сега е стабилизран и економскиот раст е зголемен.
„Буџетот е стабилен и ликвиден. Добриот тренд на реализација продолжи и оваа година. Во првиот квартал имаме раст на даноците и придоенсите од 8,5 проценти, а потврда за добрата економска состојба добивме и од кредитната агенција ‘Стандард и пурс’ која синоќа го потврди кредитниот рејтинг ББ- со стабилен изглед. Ова е уште еден добар сигнал дека економијата е на добар пат и доколку продолжат стабилните политики може да очекуваме и раст на кредитниот рејтинг“,
рече Ангеловска.
Од Владата велат дека потврда за добрите политики е и стапката на невработеноста која, според податоците што ги објави вчера Државниот завод за статистика, е намалена на 16,6 отсто. За Ангеловска, особено е позитивно тоа што е значително намалена невработеноста кај најмладата возрасна група и сега изнесува 35 проценти.
Според министерот за економија Крешник Бектеши, растот што го забележа градешништвото покажува дека сите проекти се направени врз база на прецизни анализи и штитење на буџетот. Се градат патишта, се реализира речиси целосно планот за економски раст, вклучувајќи го и Законот за финансиска поддршка и мерките преку ФИТР.
„Исто ги третираме и домашните и странските инвеститори, веќе има 100-ина копании поддржани од Владата кои имаат големо влијание во растот на економијата“,
рече Бектеши.
Земјоделството во вкупниот БДП, како што рече ресорниот министер Трајан Димковски, бележи растечко ниво и изнесува 3,8 отсто.