Тој не можеше лично да присуствува на самитот поради налогот за апсење издаден по него од страна на Меѓународниот кривичен суд (МКС) во март, обвинувајќи го за воени злосторства во Украина. Русија ги отфрли обвинувањата како срамота и рече дека потегот нема правно значење бидејќи Русија не е членка на МКС. Сепак, Јужна Африка е членка, што значи дека ќе мора да го уапси доколку влезе на нејзина територија
Рускиот претседател Владимир Путин денеска во видео обраќање на самитот на БРИКС во Јужна Африка изјави дека оваа група земји е на пат да ги исполни аспирациите на мнозинството од светското население.
„Ние соработуваме според принципите на еднаквост, партнерска поддршка, почитување на меѓусебните интереси, а тоа е и суштината на стратешката насока на нашето здружение, насока која ги исполнува аспирациите на најголемиот дел од светската заедница, таканареченото глобално мнозинство“,
рече Путин.
Членките на БРИКС – Бразил, Русија, Индија, Кина и Јужна Африка – сочинуваат повеќе од 40 отсто од светската популација, а на самитот се очекува да се разговара за проширување со нови земји. Путин не се осврна на тоа во своето обраќање.
Тој не можеше лично да присуствува на самитот поради налогот за апсење издаден по него од страна на Меѓународниот кривичен суд (МКС) во март, обвинувајќи го за воени злосторства во Украина. Русија ги отфрли обвинувањата како срамота и рече дека потегот нема правно значење бидејќи Русија не е членка на МКС. Сепак, Јужна Африка е членка, што значи дека ќе мора да го уапси доколку влезе на нејзина територија.
Путин рече дека прашањето за префрлање на трговијата меѓу земјите-членки од американскиот долар во националните валути ќе биде детално разгледано на самитот, процес во кој Банката за развој на БРИКС ќе има главна улога.
БРИКС е сè поважен форум за Русија во време кога нејзината економија се бори со западните санкции поради војната во Украина и се обидува да изгради нови дипломатски и трговски односи со Азија, Африка и Латинска Америка.