Осомничениот вооружен напаѓач бил пронајден мртов во четвртокот наутро, соопшти полицијата и повика од јавноста да биде трпелива додека се испитува можноста дали станува збор за злосторство од омраза. Локалните медиуми објавија дека тој имал објави на социјалните мрежи во кои укажува дека има ставови против ЛГБТИ-заедницата и Евреите, а идентификуван е и како син на поранешен кандидат на екстремно десничарска политичка партија
Две лица загинаа, а едно е рането во синоќешното пукање пред ЛГБТИ бар во главниот град на Словачка, Братислава, пишува Би-би-си.
Осомничениот вооружен напаѓач бил пронајден мртов во четвртокот наутро, соопшти полицијата и повика од јавноста да биде трпелива додека се испитува можноста дали станува збор за злосторство од омраза.
Информациите за мотивот на напаѓачот се уште не се објавени, но сепак, локалните медиуми објавија дека тој имал објави на социјалните мрежи во кои укажува дека има ставови против ЛГБТИ-заедницата и Евреите.
Младиот човек, исто така, во словачките медиуми е идентификуван како син на поранешен кандидат на екстремно десничарска политичка партија.
Премиерот на Словачка, Едуард Хегер, денеска го осуди нападот, велејќи дека секоја форма на екстремизам е неприфатлива.
„Најостро го осудувам убиството на две млади лица застрелани синоќа во Братислава од радикализиран тинејџер. Ниту една форма на надмоќ, расизам и екстремизам против заедниците, вклучително и ЛГБТИ-заедницата, може да се толерира“,
напиша на Твитер словачкиот премиер.
I strongly condem a murder of two young people shot dead in #Bratislava last night by a radicalised teenager. No form of white supremacy, racism and #extremism against communities, incl. #LGBTI, can be tolerated. We will fight disinfo channels spreading hate &protect minorities
— Eduard Heger (@eduardheger) October 13, 2022
Словачката претседателка, пак, Зузана Чапутова ги повика политичарите во земјата да престанат да шират омраза.
„Моите мисли се со семејството и пријателите на жртвите од вчерашниот ужасен напад во Братислава и сите во ЛГБТИ-заедницата погодени од него. Зборовите можат да станат оружје. Омразата убива. Како политичари, мораме да го одмериме секој збор што ќе го кажеме пред да биде предоцна“,
објави Чапутова на Твитер.
My thoughts are with the family & friends of the victims of yesterday’s horrific attack in Bratislava & everyone in the #LGBTIQ+ community affected by it.
— Zuzana Čaputová (@ZuzanaCaputova) October 13, 2022
Words can become weapons. Hate kills. As politicians, we must weigh every word we say before it’s too late.
? tasr pic.twitter.com/TuFtdAXC9l
Очигледното злосторство од омраза поттикна повици за ставање крај на хомофобијата во Словачка, релативно конзервативна земја на ЕУ каде што истополовите бракови не се дозволени.
Словачките ЛГБТИ-организации го изразија својот шок од синоќешниот напад.
„Болката е неподнослива“,
гласи кратка објава на социјалните мрежи.