Според интернет апликацијата на која се прикажуваат резулатите од гласањето на денешните локални изборите на Државната изборна комисија, завршено е броењето во пет општини во земјава. 100% од податоците се обработени во Градско, Дојран, Лозово, Росоман и Центар Жупа.
Според податоците на Државната изборна комисија, во три од овие пет општини се избрани градоначалници во првиот круг, додека во две ќе се гласа по втор пат.
Во првиот круг се избрани следните градоначалници:
- Киро Нацков од ВМРО-ДПМНЕ за градоначалник на Градско со освоени 55,66% од гласовите;
- Анго Ангов од СДСМ за градоначалник на Дојран со освоени 53,21% од гласовите;
- Аријан Ибраим од ДПТМ за градоначалик на Центар Жупа со освоени 71,16% од гласовите.
По пребројувањето на сите гласови, според податоците на системот на ДИК, втор круг сигурно ќе има во:
- Лозово, каде води кандидатот на СДСМ, Ацо Велковски, со 44,78% од гласовите, наспроти 27,58% колку што освоил кандидатот на ВМРО-ДПМНЕ, Бошко Цветковски.
- Росоман, каде води кандидатот на СДСМ, Стојан Николов, со 45,38% од гласовите, наспроти Тихомир Николов од ВМРО-ДПМНЕ кој освоил 37,43% од гласовите.
При крај е броењето на гласовите во уште три општини: Богданци, Пласница и Чешиново-Облешево.