Средба Фатмир Бесими – Дејвид Гир: Преку Унијата се обезбедени и 40 милиони евра за нови бескаматни кредитни линии мали и средни компании, како и грант за поддршка на невработени лица
Првата транша со износ од 80 милиони евра, од вкупните 160 милиони макрофинансиска помош од Европската Унија за надминување на кризата предизвикана од коронавирусот земјава, ќе биде префрлена следната недела.
Ова било посочено на првата официјална средба на министерот за финансии Фатмир Бесими со амбасадорот на ЕУ во земјава Дејвид Гир.
Како што соопшти Министерството за финансии, дополнително, Унијата, во рамки на Договорот за отпорност, обезбеди грант од 40 милиони евра, средства што ќе се наменат за нови бескаматни кредитни линии и грантови за поддршка на мали и средни компании, како и грант за поддршка на невработени лица.
Министерот Бесими на средбата, како што се посочува, ја истакнал силната определба на нашата земја за членство во Унијата, како и подготвеноста за спроведување на реформите што ќе не приближат до оваа цел.
