Прва пресуда за упадот во зградата на Конгресот во Вашингтон

Оваа пресуда се смета за мошне важна победа на Федералното обвинителство. Американското Министерство за правда настојува да казни стотици обвинети за учество во нападот на седиштето на американскиот Конгрес кои ја одбија понудата да се спогодат со Обвинителството

Трамп изјави дека ќе ги помилува лицата обвинети за упадот на Капитол на 6 јануари минатата година доколку повторно стане претседател во 2024 година

Гај Рефит од Тексас е првиот осуден од осомничените за масовните немири во Вашингтон од 6 јануари минатата година што резултираа со упад на приврзаници на Доналд Трамп во административната зграда на Капитол хил.

Рефит е прогласен виновен по сите пет точки од обвинението, што меѓу другото го товари за внесување огнено оружје во Капитол Хил, како и за попречување на официјалната процедура на прогласување на Џозеф Бајден за победник на претседателските избори.

Оваа пресуда се смета за мошне важна победа на Федералното обвинителство. Американското Министерство за правда настојува да казни стотици обвинети за учество во нападот на седиштето на американскиот Конгрес кои ја одбија понудата да се спогодат со Обвинителството.

Повеќе од 430 лица се уапсени во САД во врска со упадот во Капитол на 6 јануари, што според Обвинителството е половина од оние што учествуваа во упадот.

САД: Повеќе од 430 уапсени за упадот во Капитол

Меѓу обвинетите има полицајци, пожарникари, сопственик на цвеќарница, пратеник во сојузна држава, воени ветерани, па дури и освојувач на олимписки медал, но и регистрирани престапници (обвинет за убиство) и припадници на екстремистички групи.

Полицајци, пожарникари, олимпиец, обвинети за убиство и екстремисти – објавен списокот со учесниците во упадот во Конгресот

Во ноември лани Скот Ферламб, кој беше снимен како удира полицаец за време на нападот на американскиот Капитол на почетокот на оваа година, доби затворска казна од 41 месец и тоа е најстрогата казна изречена досега во кривични случаи покренати откако приврзаниците на поранешниот претседател Доналд Трамп го нападнаа Капитол на 6 јануари оваа година, не прифаќајќи го неговиот изборен пораз.

Еден од напаѓачите од Капитол доби 41 месец затвор – највисока казна досега

Поранешниот американски претседател, Доналд Трамп, на митинг во Тексас во јанури годинава изјави дека ќе ги помилува лицата обвинети за упадот на Капитол доколку повторно стане претседател во 2024 година.

Трамп вети помилување за учесниците во упадот на Капитол ако биде избран за претседател