Како што информираат од АХВ, сторителот е казнет со парична казна од 400 евра, а издадена е и наредба за уништување на небезбедните производи
Значително количество на кондиторски прозиводи со поминат рок открија инспекциските служби на Агенцијата за храна и ветеринарство (АХВ) во соработка со Министерството за внатрешни работи (МВР).
Производи со поминат рок се пронајдени при рутинска контрола на патничко моторно возило, а потоа е извршен и претрес во домот на возачот на возилото.
„Пронајдени се 34 пакети со т.н. флипс производи и 35 пакети оризови барови со различни вкусови, грицки и други кондиторски производи во колицина од 250 килограми. Утврдено е дека пронајдените производи се со поминат рок, по што како небезбедни се одземени од инспекциските служби“,
се вели во соопштението од АХВ.
Производите, како што информираат од Агенцијата, се набавени од различни магацини и се нуделе и продавале на скопскиот пазар за стари работи во Маџари, како и на пазарот во Шуто Оризари во Скопје.
Сторителот е казнет со парична казна од 400 евра.
„Издадена е и наредба за уништување на небезбедните производи“,
велат од АХВ.
За сузбивање на нелегална трговија со храна можат да се вклучат и граѓаните и да пријават на бесплатната телефонска линија за потрошувачи на 0800 3 22 22, електронски на [email protected] или лилчно во просториите на Агенцијата за храна и ветеринарство.