Минималните температури ќе се движат во интервал од -2 до 14 Целзиусови степени, додека максималните ќе се искачат од 12 до 20 степени
Променливо облачно и посвежо – вакво време најавува Управата за хидрометеоролошки работи (УХМР) за денеска. Во текот на денот ќе има повремени сончеви периоди и ќе дува слаб до умерен, а на места, вдолж Повардарието повремено засилен ветер од северен правец.
Минималните температури денеска ќе се движат во интервал од -2 до 14 Целзиусови степени, додека максималните ќе се искачат од 12 до 20 степени. Најниската температура во земјава, -2 степени, утринава е измерена во Берово, додека во Гевгелија се измерени 14 Целзиусови степени.
Времето во Скопје ќе биде променливо облачно со сончеви периоди. Ќе дува слаб до умерен северен ветер кој во делови од котлината повремено ќе засилува.
Температурите во главниот град ќе се движат од минимални 8 до максимални 19 степени.
Слично време, според УХМР, нè очекува и во текот на утрешниот ден.