Министерот за инфраструктура на Украина, Олександр Кубраков, на Твитер објави дека договорот за продолжување на иницијативата бил постигнат меѓу генералниот секретар на Обединетите нации (ОН) Антонио Гутереш, турскиот претседател Реџеп Таип Ердоган и украинскиот претседател Володимир Зеленски
Украинското Министерство за инфраструктура денеска соопшти дека е постигнат договор за продолжување на иницијативата за извоз на украинско жито преку Црното Море за 120 дена, јавуваат агенциите.
„Оваа одлука е штотуку донесена во Истанбул. Обединетите нации и Турција остануваат гаранти на иницијативата“,
се наведува во соопштението, пренесува ХРТ.
Министерот за инфраструктура на Украина, Олександр Кубраков, на Твитер објави дека договорот за продолжување на иницијативата бил постигнат меѓу генералниот секретар на Обединетите нации (ОН) Антионио Гутереш, турскиот претседател Реџеп Таип Ердоган и украинскиот претседател Володимир Зеленски.
„Иницијативата за извоз на жито преку Црното Море ќе биде продолжена за 120 дена. Украинскиот претседател Зеленски заедно со генералниот секретар на Обединетите нации Гутереш и турскиот претседател Ердоган направи уште еден значен чекор во глобалната борба против кризата со храна“,
наведува Кубраков во својот твит.
#BlackSeaGrainInitiative will be prolonged for 120 days. ?? @ZelenskyyUa together w/ @antonioguterres ??@UN, ?? @RTErdogan & Minister of Defence Hulusi Akar @tcsavunma made another important step in the global fight against the food crisis.
— Oleksandr Kubrakov (@OlKubrakov) November 17, 2022
Русија и Украина во јули годинава се согласија за деблокирање на украинските поморски пристаништа и извоз на житни култури од оваа земја. Договорот беше потпишан од министри од двете земји на 22 јули, а со посредство на Обединетите нации и Турција.
Украинскиот извоз на жито опадна откако Русија ја нападна земјата на 24 февруари и ги блокираше нејзините пристаништа на Црното Море, што ги зголеми светските цени на храната. Со потпишувањето на договорот меѓу Киев и Москва, три црноморски пристаништа беа деблокирани.
Инаку договорот од јули за извоз на украинското жито преку Црното Море истекува утре.
Договорот еднаш беше доведен во прашање на почетокот на јули кога рускиот претседател Владимир Путин изјави дека Москва се повлекува од иницијативата, но по дипломатска интервенција на Турција, Кремљ ги повлече заканите.