Од Град Скопје посочуваат дека по извршениот инспекциски увид е издадена санкција која правното лице ќе треба да ја плати во рок од 10 дена, во спротивно ќе следува прекршочна и кривична пријава
Камионот што утрово пропадна на плоштадот „Македонија“ во Скопје немал дозвола за движење на плоштадот, информираат од Град Скопје.
„Возило на приватната компанија, чиј камион неовластено влегол на плоштадот ‘Македонија’, по што причинил материјална штета, нема дозвола за движење на плоштадот, иако има поднесено такво барање. Возачот, странец, државјанин на Турција е приведен и изведен пред суд. За овој настан МВР ќе поднесе и соодветен поднесок“,
се вели во соопштението на Градот.
Оттаму посочуваат дека по извршениот инспекциски увид е издадена санкција која правното лице ќе треба да ја плати во рок од 10 дена, во спротивно ќе следува прекршочна и кривична пријава.