Во несреќата со тешки телесни повреди се здобила 48-годишната жена, констатирани во ГОБ „8 Септември“ во Скопје
Приведен е 19-годишник што вчеравечер со автомобил удри во жена во скопската населба Ѓорѓе Петров и побегна од местото на несреќата, информираат денеска од Министерството за внатрешни работи (МВР).
„Денеска полициски службеници од СВР Скопје го лишија од словода Н.Н. (19) од Скопје затоа што вчера во 21:20 часот на расксницата на улиците ‘Борис Сарафов‘ и ‘Крсто Раковски‘ во скопската населба Ѓорче Петров, со патничко возило ‘фиат пунто‘ удрил во 48-годишната А.С.К од Скопје и го напуштил местото на настанот“,
се вели во полициското соопштение.
Во несреќата со тешки телесни повреди се здобила 48-годишната жена, констатирани во ГОБ „8 Септември“ во Скопје.
По несреќата се преземени мерки за пронаоѓање на возачот и возилото. Откако е приведен, по насоки на јавен побвинител возачот е задржан во полициска станица, а одземено му е и возилото.
Како што велат од МВР, по целосно документирање на случајот, ќе биде поднесена соодветна пријава.