Бугарското собрание уште на 8 септември ја одобри донацијата од над 50 илјади вакцини за Северна Македонија, но поради проблеми со процедурите тие не беа испратени до земјава
Околу 50 илјади дози од вакцината против ковид-19 на производителот „Фајзер“ пристигнаа во земјава како донација од соседна Бугарија. За донацијата информираше министерот за надворешни работи Бујар Османи, кој овој чин го цени како гест на пријателство.
Тој преку Твитер соопшти дека вакцините пристигнале во текот на вчерашниот ден и дека веќе се дистрибуирани до вакциналните пунктови.
„Вакцините се веќе дистрибуирани и подготвени да се употребат. Важен гест на пријателство и солидарност“,
напиша Османи.
Yesterday North Macedonia reveiced a donation of more than fifty thousand #Pfizer vaccines from Bulgaria which are already distributed and ready to be used. Important gesture of friendship and solidarity. @SvetlanStoev 🇲🇰🤝🇧🇬
— Bujar Osmani (@Bujar_O) September 17, 2021
Бугарското собрание на 8 септември ја одобри донацијата од над 50 илјади вакцини за Северна Македонија. Министерот за здравство на Бугарија, Стојчо Кацаров, тогаш појасни дека донацијата требало да се изврши во јуни, но поради проблеми со процедурите тогаш тоа не било извршено.