Министерот за здравство Арбен Таравари денеска на прес-конференција потврди дека починатиот пациент е 29-годишниот Александар Карадаковски од Кочани. Посочи дека тој починал како резултат на директното оштетување на голем дел од дишното стебло, речиси 90 проценти, поради вдишениот чад, што резултирало со смрт
Се преземаат сите постапки за транспорт на телото на починатиот Александар Карадакоски, кој им подлегна на повредите од пожарот во Кочани додека беше на лекување во болница во Литванија, информираат денеска од Министерството за надворешна политика и надворешна трговија.
„Преку Амбасадата на Република Северна Македонија во Варшава, во редовна комуникација сме со семејството на починатиот пациент, како и со надлежните институции во Литванија каде што тој беше на лекување. Ги преземаме неопходните активности за завршување на конзуларните постапки за организација на транспорт на телото на починатиот македонски државјанин назад во земјава“,
се вели во соопштението од МНР.
Министерот за здравство Арбен Таравари денеска на прес-конференција потврди дека починатиот пациент кој беше на лекување во Литванија по трагичниот пожар во т.н. кабаре „Пулс“, е 29-годишниот Александар Карадаковски од Кочани.
Според информациите што ги добиле од лекарите од Литванија, Карадаковски починал како резултат на директното оштетување на голем дел од дишното стебло, речиси 90 проценти, поради вдишениот чад, што резултирало со смрт. Дополнително, тој имал 36 отсто изгореници по телото, главно кај главата, вратот и горните екстремитети, што предизвикало рани и инфекции, а му откажале и бубрезите на 1 април, односно бил ставен на дијализа.
Таравари посочи и дека за Карадаковски, во рок од 24 часа од приемот во „Св. Наум Охридски“, бил организиран транспорт и бил префрлен во Литванија.
Телото на Карадаковски, како што додаде министерот, ќе биде транспортирано во Македонија и трошоците за тоа ќе бидат покриени, а обдукцијата на телото ќе биде извршена во Судска медицина во Скопје.
Основното јавно обвинителство Кочани ќе ја запре истражната постапка за Александар Карадаковски, управителот на т.н. кабаре „Пулс“ во Охрид.
„Со оглед на тоа што денешната 60-та жртва од катастрофалниот пожар во Кочани е лице кое претходно беше опфатено со наредбата за спроведување истражна постапка, во својство на управител на правно лице, Основното јавно обвинителство Кочани по прибавување на официјалната документација за настапената смртна околност ќе донесе наредба за запирање на истражната постапка за него“,
соопштија од Јавното обвинителство на Република Северна Македонија.