Излезноста на вториот круг од претседателските избори во Франција до 17 часот е 63,23 отсто, за два поени помалку од 2017 година. Двајцата кандидати Марин Ле Пен и Емануел Макрон гласаа уште напладне, по што се упатија во Париз за подготовка на постизборната вечер. Меѓу нив треба да изберат 48,7 милиони Французи запишани на изборните листи,. Излезноста напладне изнесуваше 26,41 отсто.
Гласачките места беа отворени од 8 часот наутро насекаде во Франција и ќе се затворат во 19 часот (во 20 часот во поголемите градови).
Во 2017 година, Емануел Макрон стана најмладиот претседател на Републиката. Сега има 44 години, дипломиран на високата школа за администрација, поранешен инвестициски банкар и поранешен министер за економија на Франсоа Оланд се надева дека ќе биде реизбран за втор петгодишен мандат.
Марин Ле Пен, 53-годишна адвокатка, е со трета кандидатура за Елисејската палата. Долго време избрана во Европскиот парламент, противкандидатката од екстремната десница сега е пратеничка на Па-де-Кале. Веќе финалист пред пет години, кандидатката на Националниот собир имаше добиено 33,9 отсто од гласовите.