Пленковиќ поздравил неколку тенисери, меѓу кои и Чилиќ и Ѓоковиќ, кои биле во директен контакт со заразениот Димитров
Хрватскиот премиер Андреј Пленковиќ и поранешната претседателка Колинда Грабар-Китаровиќ со сопругот беа на тенискиот турнир „Адрија тур“ во Задар, каде што финалето беше откажано откако беше потврдено дека тенисерот Григор Димитров е позитивен на новиот коронавирус.
Во Задар, Пленковиќ поздрави неколку тенисери, меѓу кои и Чилиќ и Ѓоковиќ, кои биле во директен контакт со заразениот Димитров, а како што пренесува порталот „Индекс“, хрватскиот премиер не бил на пропишаното растојание.
Димитров се дружеше со голем број луѓе во Задар, веројатно со стотици, можеби илјадници, вклучително и голем број деца како дел од Денот на децата, јавија хрватски медиуми.
Како што пренесува утрово „Индекс“, тестирањето покажало дека уште тројца учесници на турнирот се позитивни на ковид-19, меѓу кои уште еден тенисер.