Принцот Хари е најновата жртва на руските пранкери Владимир Кузњецов и Алексеј Столиаров, кои го измамија и бившиот премиер Зоран Заев.
Тој мислел дека разговара со активистката Грета Тунберг и нејзиниот татко, а теми на разговорот биле „мегзит“ (повлекувањето на Хари и Меган од кралските обврски), американскиот претседател Доналд Трамп и принцот Ендру.
Станува збор за два разговори направени на новогодишната вечер и на 22 јануари, пишува британскиот весник „Сан“. Повикот Хари го водел преку фиксната линија во неговиот луксузен имот во Ванкувер, Канада.
Во врска со „мегзит“, Хари зборува колку било тешко за него и Меган да ја напуштат Велика Британија. За Доналд Трамп, пак, вели дека има „крв на рацете“ поради ставот за климатските промени.
Минатото лето руските пранкери објави три телефонски разговори со тогашниот премиер Зоран Заев кому лажно му се претставувале како поранешниот украински претседател Петро Порошенко и генералниот секретар на НАТО, Јенс Столтенберг.
Мета на Кузњецов и Столиаров досега беа и и францускиот претседател Емануел Макрон, потоа Жан-Клод Јункер, Борис Џонсон, како и неколку американски гувернери и конгресмени.