Пожарот во делчевско не стивнува: Горат куќи во Балабанско и Курјачко маало

Пожарот се гасне теренски, а вклучен е и еден хеликоптер, но проблем претставува ветерот

Дел од куќите во Балабанско маало се изгорени, а зафатени се и куќи во Курјачко маало во пожарот што го зафати делчевскиот крај. Се евакуираат жителите и покуќнината.

Според изјави на жителите, не може да се влезе во маалото, бидејќи тоа е целото зафатено од пожарот.

Пожарот се гасне теренски, а вклучен е и еден хеликоптер кој интервенира во делот меѓу Балабанско маало, Курјачко маало и Тработивиште.

Во моментот дува силен ветер кој го отежнува гаснењето на пожарот.

На опасноста за Курјачко маало и Балабанци и дел од туристичкиот локалитет Истевнички Кукуљ, предупреди претходно градоначалникот на Делчево Горан Трајковски, кој рече дека во тој момент во гаснењето учествуваат околу 200 луѓе меѓу кои и припадници на Армијата и дел од екипата пожарникари од Бугарија.

Пожарот во Пасјак под контрола, опасност демне за локалитетот Истевнички Кукуље и Балабанско Маало

Во Берово пристгигнаа и словенечките пожарникари и опремата кои ќе бидат распоредени во регионот.

Словенечките пожарникари се во Берово, ќе бидат распоредени во гасењето на пожарите во регионот