Целосно изгорени се покривите на две куќи, а две лица се повредени и пренесени на лекување. Пожарот е локализиран
Страшен пожар избувна денеска во Струмица, каде покривите на две куќи на улицата „Крушевска“ целосно изгореа. Пожарот бил пријавен во 10:55 во ТППЕ Струмица. Две лица се повредени, пренесе МИА.
Според информациите од Александар Гудев, командир на ТППЕ Струмица, во гаснењето на големиот пожар учествувале шест против пожарни возила и 22 пожарникари.
„Пожарот е локализиран за еден и пол час. Зафатени се две куќи чии кровни конструкции се паднати како последица од пожарот. Две лица се повредени и се пренесени на лекување во струмичката болница“,
изјави Гудев.
Причините за пожарот засега не се познати, се врши увид од страна на одговорните екипи.