Како одговор, САД и Велика Британија започнаа воздушни напади врз цели на Хутите
Британски танкер со нафта гори во Аденскиот залив откако Хутите соопштија дека го погодиле со проектил, јави Би-би-си. Ударот предизвикал пожар на еден од товарните резервоари на бродот.
Американската војска соопшти дека Хутите го погодиле танкерот со противбродска балистичка ракета, а поморските бродови одговориле на сигналот за помош. Нема информации за повредени.
Во изјавата, портпаролот на Хутите тврди дека „Марлин Луанда“ бил британски брод и бил нивна цел како одговор на „американско-британската агресија против нашата земја“.
Ова е најнов напад врз трговски брод од страна на Хутите поддржани од Иран во и околу Црвеното Море. Групата вели дека цели на бродовите во регионот во знак на поддршка на Палестинците во Газа, каде што Израел се бори против Хамас.
Како одговор, САД и Велика Британија започнаа воздушни напади врз цели на Хутите, поддржани од голем број други земји.
✌️??Yemen struck a British oil tanker for the first time today, the “Marlin Luanda”.??
— Negin? (@negin_m1358) January 27, 2024
Maritime journalists say the British ship Marlin Luanda is carrying Naptha jet fuel, which is highly flammable. pic.twitter.com/U2mEeQvCma
Предупредени се другите бродови да транзитираат со претпазливост и да пријават каква било сомнителна активност.
Од ноември, Хутите извршија десетици напади врз комерцијални бродови кои патуваат низ Црвеното Море, една од најпрометните бродски патеки во светот.