Во возот патувале повеќе од 100 луѓе и сите патници се безбедно извадени и нема повредени
Пожар избувнал во патничкиот воз Варна – Софија, потврдуваат од „Бугарски државни железници“ за БТА.
Инцидентот се случил на постојката Гривица, меѓу станиците Пондим и Плевен. Возачите забележале густ црн чад кој излегува од машинскиот простор на локомотивата. Веднаш била повикана противпожарна единица.
Во возот патувале повеќе од 100 луѓе и сите патници се безбедно извадени. Нема повредени, уверуваат од компанијата. Патниците биле качени во воз за Плевен. Оттаму ќе бидат префрлени во меѓународниот воз од Русе за Софија и во главниот град ќе пристигнат со околу два часа доцнење.
Инцидентот се случил денеска околу 15:40 часот.
Возовите во областа продолжиле да сообраќаат.