Двете српски деца кои се на лекување во софиската болница „Пирогов“ повредени во сообраќајката на автопатот „Тракија“ која се случи на 14 август, утре ќе бидат пренесени во Србија. Ова денеска го соопшти Министерството за здравство на Бугарија.
Децата ќе бидат транспортирани со два хеликоптери на Србија, со два тима за реанимација.
Хеликоптерите ќе пристигнат од Србија на аеродромот во Софија утре изутрина и ќе слетаат на специјално определен простор.
Децата од болницата Пирогов до аеродромот ќе бидат транспортирани со амбулантни возила, придружувани од специјализирани екипи на МВР.
Децата беа повредени на 14 август откако автобус со српски регистарски табли излета од автопатот Тракија.