Двајцата пожарникари, синоќа околу 20:30 часот. биле хоспитализирани во штипска Клиничка болница. Командирот Ренџов бил задржан на болничко лекување, откако претходно бил опериран
Двајца пожарникари од Територијалната противпожарни единица во Штип се повредени при вчерашното гаснење на пожарот кај старата штипска депонија меѓу населбите Пребег и Мерите.
Повредни се командирот на штипската Територијална противпожарна единица Благој Ренџов, како и уште еден негов колега пожарникар.
Двајцата пожарникари повредите ги добиле кога при гаснењето на пожарот паднале во дол. Од падот Ренџов се здобил со скрешеници на двете раце, а другиот пожарникар со скршеница на едната рака.
Двајцата пожарникари, синоќа околу 20:30 часот. биле хоспитализирани во штипска Клиничка болница. Командирот Ренџов бил задржан на болничко лекување, откако претходно бил опериран.
Пожарникарите од штипската Територијална противпожарна единица велат дека командирот Ренџов изминатите денови заедно со нив учествувал во гаснењето на пожарите на планината Серта и во штипскиот и неготинскиот дел.