Повеќе од 5,2 милиони бегалци ја напуштија Украина од почетокот на војната, речиси три милиони од нив се во Полска

Најголем дел од бегалците ја напуштиле Украина минатиот месец, односно вкупно 3 381 797 лица. Во февруари, кога започна руската инвазија врз Украина, од земјата побегнале 653 356 Украинци, велат податоците на УНХЦР

Од почетокот на руската воена инвазија во Украина, земјата ја напуштија над 5,2 милиони лица, велат податоците од Агенцијата за бегалци на Обединетите нации (УНХЦР).

Ажурираните податоци на УНХЦР од 24 април покажуваат оти бројот на раселени лица се зголемил за 20 815 во однос на претходниот ден.

Најмалку 90 отсто од оние што избегале од војната во Украина се жени и деца, а речиси три милиони од бегалците емигрираа во Полска, односно над 2,9 милиони лица.

По Полска, следи Романија каде од почетокот на воената инвазија во Украина избегале 777 602 лица, а во Руската Федерација побегнале 605 815 Украинци.

Според ажурираните податоци од УНХЦР, во Унгарија избегале 492 976 лица, а во Молдавија се засолниле 433 895 бегалци од Украина. 

Од Украина во Словачка побегнале 355 593 лица, а најмалку бегалци, според податоците на УНХЦР, има во Белорусија, или вкупно 24 477 лица.

Најголем дел од бегалците ја напуштиле Украина минатиот месец, односно вкупно 3 381 797 лица. Во февруари, кога започна руската инвазија врз Украина, од земјата побегнале 653 356 Украинци. Во април, пак, од досегашните податоци, од Украина побегнале 1 196 861 лица.