Повеќе од 100 000 луѓе ја прекршија забраната за собири во Бенгладеш за да присуствуваат на погреб на лидер на Исламска партија во округот Брахманбарја, објавија властите во земјата.
На жителите на Бангладеш им е забрането да се собираат за молитви во групи поголеми од пет лица, но поради погребот на исламскиот учител Маулана Зибајер Ахмад Ансари забраната била прекршена.
Масовниот собир за погребот предизвикал страв за можен нов бран на зараза со ковид-19.
Портпаролот на полицијата во Бангладеш соопшти дека полициските сили не биле во можност да ја контролира толпата поради што се разрешени одговорниот офицер и помошникот-началник, а се формирал тричлен совет кој треба да спроведе истрага.
Во Бангладеш официјално се регистрирани 2 456 ковид-позитивни случаи од кои 91 завршиле со смрт, но има бројни критики дека реалните бројки се поголеми, а не се познати бидејќи има недостиг од тестови.