„Пошта“ ги стопира платниот промет и финансиските услуги поради пропаѓањето на Еуростандард банка

АД „Пошта Северна Македонија“ го стопира платниот промет и обезбедувањето на финансиските услуги за многу граѓани и правни лица, како што се наплата на сметки за комунални услуги, наплата на сметки за струја, исплата на пензии, исплата на социјална помош и други банкарски услуги и безготовински платен промет за депоненти на Еуростандард банка, најави денеска генералниот директор на ‘Пошта’ Ејуп Рустеми.

Фонд за пензиско: Пензионерите од „Еуростандард“ да се префрлат во друга банка

Тој рече дека сите тие услуги АД „Пошта Северна Македонија“ во својата мрежа ги обезбедува во име на Еуростандард банка и за истите наплаќа соодветен надоместок.

„Како што може да се види од текстот на решението на НБРСМ проблемите во работењето на Еуростандард банка се резултат на преземениот висок кредитен ризик во нивното кредитно портфолио, а тоа во никој случај не е поврзано со услугите кои ‘Пошта’ ги обезбедува на своите шалтери“,

рече Рустеми.

Генералниот директор на АД „Пошта Северна Македонија“ информираше дека остварените приходи во првите шест месеци од 2020 години од тие услуги кои од денеска „Пошта“ не може да ги обезбеди изнесуваат 110 милиони денари и претставуваат 19,4 отсто од вкупните остварени приходи на „Пошта“.

По пропаѓањето на „Еуростандард“, банкарскиот систем е стабилен, тврди Македонската банкарска асоцијација

„Во услови на пандемија беа значајни приходи за АД ‘Пошта на Северна Македонија’, бидејќи здравствената криза придонесе да има огромен пад на приходите од поштенските услуги, најмногу на тие од меѓународниот поштенски сообраќај. Над 870 вработени во ‘Пошта’ целосно или делумно извршуваат работни обврски поврзани со обезбедувањето на наведените услуги. Приходот остварен од наведените финансиски услуги обезбедува плата за околу 560 вработени во ‘Пошта’. Изразувам жалење за настанатата ситуација до сите граѓани и фирми корисници на нашите услуги со кои имавме одлична соработка во делот на наплата на нивните сметки или фактури“,

рече Рустеми.

ВМРО-ДПМНЕ: Под ризик се граѓаните кои примаат пензии и социјална помош од Еуростандард банка

Тој наведе дека АД „Пошта Северна Македонија“ е во интензивна комуникација со Владата на РСМ како основач на „Пошти“ и со НБРСМ како регулатор со цел изнаоѓање на брзо и прифатливо решение за сите, а пред се во интерес на граѓаните и фирмите кои досега ги користеле овие услуги на шалтерите на „Пошта“.

„Ова би било и во интерес на ‘Пошта’ за да не изгуби значителен дел од своите приходи. Останува да се надеваме дека целиот процес ќе заврши без последици за доверителите на банката“,

заклучи Рустеми.