Петтата парада по ред во Скопје ќе се одржи под мотото „Спектакуларно непослушни“. Појдовна точка на парадата ќе биде во паркот „Жена-борец“, каде што во 17 часот ќе започне собирање на учесниците
Со почеток од 15 часот денеска во централното градско подрачје во Скопје ќе има посебен режим на сообраќај поради петтата по ред „Парада на гордоста“.
Одделението за безбедност на патниот сообраќај при СВР Скопје, почнувајќи од 15:00 часот, ќе преземе мерки за посебен режим на сообраќај во централното градско подрачје, соопшти МВР.
Од МВР апелираат до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
Петтата парада по ред во Скопје ќе се одржи под мотото „Спектакуларно непослушни“. Појдовна точка на парадата ќе биде во паркот „Жена-борец“, каде што во 17 часот ќе започне собирање на учесниците, а во 19 часот по кратките поздравни говори ќе започне протестниот марш по скопските улици, која ќе заврши со културно-музичка програма на стадионот на АРМ во Градскиот парк.