СВР Скопје апелира до граѓаните да ги почитуваат наредбите што ги издаваат полициските службеници
Денеска, утре и в петок на поширокото централно подрачје на град Скопје ќе има посебен режим на сообраќај поради посетата на претседателот на собранието на Република Хрватска, Гордан Јандроковиќ, информираат од Министерството за внатрешни работи.
„СВР Скопје ги известува граѓаните на Скопје дека од 5 до 7 март (среда, четврток и петок) поради официјална посета на претседателот на собранието на Република Хрватска, Гордан Јандроковиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје“,
се наведува во соопштението на МВР.
СВР Скопје апелира до граѓаните да ги почитуваат наредбите што ги издаваат полициските службеници.