Според овие мерки кои ќе важат до 19 август, маските повторно се задолжителни за затворените јавни простори, но со некои исклучоци – не важат за оние кои спортуваат во затворени простории, за персоналот и клиентите на прехранбените и забавните објекти и за децата до шестгодишна возраст
Од денеска на територијата на Софија се воведуваат антиепидемиски мерки за забавување на ширењето на случаите со ковид, јави БГНЕС.
Според наредбата од здравствените институции, антиепидемиските мерки ќе важат заклучно со 19 август. Првично со наредбата беше предвиден рок до 30 август, но рокот бешепроменет со доаѓањето на привремениот министер за здравство.
Според овие мерки, маските повторно се задолжителни за затворените јавни простори, но со некои исклучоци – не важат за оние кои спортуваат во затворени простории, за персоналот и клиентите на прехранбените и забавните објекти и за децата до шестгодишна возраст.
Во однос на големите комерцијални објекти, од типот на трговски центар, граѓаните треба да носат заштитни маски за лице при посета на индивидуални трговски објекти во рамките на трговскиот центар, но не и во заедничките простории.
Според вчерашната статистика, во Бугарија беа регистрирани 1 701 нови случаи на коронавирус за 24 часа од направени 7 362 тестови.
Во болниците има 1 077 лица, а 55 од пациентите се на одделенија за интензивна нега.